Nije bûnscoach Ronald Koeman sjocht út nei gearwurking mei Sipke Hulshoff
De nije bûnscoach fan it Nederlânsk alvetal, Ronald Koeman, neamt syn assistint Sipke Hulshoff fan Twizel in "verfrissing". "Ik probeer altijd de best mogelijke staf te formeren, met trainers die mij aanvullen", stelt Koeman.
De nije stêf fan Oranje waard moandei presintearre yn Zeist. Koeman hat njonken Hulshoff ek syn broer Erwin as assistint-trainer selektearre. Patrick Lodewijks is de nije keeperstrainer.
Koeman hie nea earder gearwurke mei Hulshoff en hat dêrom earst in ôfspraak mei de Twizeler makke om him "in de ogen te kijken". "Dat is heel goed bevallen."
Hulshoff is op dit stuit assistint-trainer fan Feyenoord en hat dêr in wichtige rol op de trainingen. Dy rol sil hy ek by it Nederlânsk alvetal krije. "Hij is een aanvulling voor ons. Hij kijkt anders aan tegen dingen in het voetbal. Hij is een verfrissing."
Wat wurdt de rol fan Andries Noppert?
Koeman lit him noch net al te bot út oer wa't de earste keeper fan it Nederlânsk alvetal wurdt. De foarige bûnscoach, Louis van Gaal, keas foar Andries Noppert fan De Jouwer as earste doelman op it WK yn Katar.
"Het is duidelijk dat we niet heel veel topkeepers hebben", seit Koeman, "maar wel voldoende om een keuze te maken voor de drie besten."
Koeman jout by it meitsjen fan dy kar in soad ferantwurdlikheid oan keeperstrainer Patrick Lodewijks. "Het selecteren gebeurt op basis van de ideeën van Patrick. Een oud-keeper heeft het meeste verstand van de invulling van de keepers, maar ik kan me niet herinneren dat we het ooit ergens oneens over waren."
"Er moet altijd strijd zijn"
Koeman is fan doel om de bêste keepers te selektearjen. Hy kiest dus net perfoarst foar de minsken dy't goed yn de groep lizze. "Het is al in de media gekomen dat Patrick bij Cillessen (de keeper fan NEC, dy't passearre waard foar it WK, red.) is geweest en hij heeft ook contact gehad met de anderen. Er moet altijd strijd zijn."
De nije bûnscoach is net fan doel om te rûlearjen mei de keepers. "Wat goed is, blijft staan. Het is een positie die anders is dan de andere 10 posities. Het is voor iedereen prettig dat je een keeper hebt die het goed doet en waarvan je weet dat hij er de volgende interland ook staat."
