Ien op de tweintich jongeren yn Smellingerlân komt yn oanrekking mei drugskriminaliteit
19 jannewaris 2023, 18:23 • 2 minuten lêstiid
Smellingerlân wol de drugskriminaliteit yn de gemeente mear oanpakke, omdat foaral jongeren der in soad mei yn oanrekking komme. Ien op de tweintich jongeren yn Smellingerlân hat der ûnderfining mei.
It binne getallen dy't reden binne ta soarch, sa seit boargemaster Jan Rijpstra fan Smellingerlân. Jongereinwurkers, meiwurkers fan skoallen en BOA's moatte foarljochte wurde oer hoe't se werkenne kinne dat jeugd belutsen is by drugshannel, fynt hy.
Drugskriminaliteit is in grut probleem yn Smellingerlân
"Het gaat om nauwere samenwerking. Je moet zo duidelijk een beeld krijgen om welke jongeren het gaat", leit de boargemaster út. Dat it drugsprobleem yn Drachten sa grut is, is net frjemd, seit Rijpstra. "Het is een centrum voor jeugd in de regio. Er zijn ook veel scholen en dus ook veel jongeren."
Skoallen spylje dêrom in grutte rol yn de plannen om wat oan de drugsproblematyk te dwaan. De skoallen ha der spesjale koördinatoaren foar, mar dy meie fan boargemaster Rijpstra wol mear kontakt sykje mei oare helpferlieners.
Under oare jeugdwurkers fan Maatschappelijke Onderneming Smallingerland (MOS), krije dêr in rol yn. "Wij zien het ook", seit Dennis Donker fan MOS. "De verleiding voor veel jongeren is groot. Als je een pink geeft, wordt je hele hand genomen."
Mear jongereinwurkers
De fraach wat der oan dien wurde kin, is net maklik te beäntwurdzjen. "Ik geloof zeker dat we dingen kunnen oplossen", seit Donker. "Dat moeten we samen doen met de scholen en vooral de jongeren zelf."
Rijpstra is it dêr mei iens. "De voorlichting moet beter. Er moet meer gedaan worden aan preventie. We moeten jongeren opzoeken. Misschien moeten er dan meer jongerenwerkers komen. Dat kost alleen geld en dat moet ergens vandaan komen."
