Stefan van der Pal ferrast mei in sulveren sportpinning foar Alvestêdetriatlon
Stefan van der Pal makke yn it wykein bekend dat er 96.000 euro ophelle hat mei syn Alvestêdetriatlon. It jild gie nei ûndersyk foar bern mei harsenstamkanker. By de bekendmakking krige Van der Pal al priizgjende wurden, moandei waard er nochris ferrast mei in sulveren sportpinning.
Dat barde op de nijjiersgearkomste fan de gemeente Ljouwert. "Mijn vrouw werkt bij de gemeente en die zij dat er nog een borrel van het werk was, en dat ik daar wel even bij moest zijn", fertelt Van der Pal. "Ik had niks door. Ineens word je naar voren geroepen, dat is wel even schrikken."
Hy krige in priis útrikke fan it gemeentebestjoer fanwegen de bysûndere sportprestaasje. Hy swom, rûn en fytste yn de simmer de Alvestêdetocht.
Wurdearring
"Het was zo'n mooi project, en dat het dan hiermee wordt gewaardeerd dat is echt wel heel gaaf." Van der Pal wie bot rekke troch de útrikking. "Het heeft drie jaar van ons leven in bestek genomen. Het heeft heel veel tijd, energie, bloed zweet en tranen gekost."
Lange tiid wie it sels noch ûnwis oft de tocht wol trochgean koe, en yn wat foar foarm. "In 2020 zouden we de tocht alleen maar zwemmen. Dat kon niet doorgaan door corona."
Uteinlik waard de tocht dus langer, en dêrmei ek folle swierder. "Je hebt je lijf zo leeggetrokken, dat merk je nu nog steeds. Ik ben nog niet honderd procent hersteld, dan overvallen dit soort dingen je en word je daar even emotioneel van."
