Hearrenfean benaud foar swiere blessuere Van Beek: "Het ziet er niet goed uit"
De wedstriid fan sc Hearrenfean op besite by RKC Waalwijk hat in swart rantsje krigen. Dat seit trainer Kees van Wonderen, dy't dêrmei doelt op de blessuere fan Sven van Beek.
De ferdigener foel flak foar tiid út mei in - op it each - swiere blessuere. Hy gong nei de grûn sûnder dat der immen yn de buert wie. "Hij voelde iets in z'n kuit", seit Van Wonderen. "Alsof hij een schop van achteren kreeg, maar er was niemand in de buurt. Dat ziet er niet goed uit."
It is noch net bekend hoelang't Hearrenfean de sintrale ferdigener, dy't dit seizoen noch gjin minút mist hie, kwyt is. "Laten we hopen dat het meevalt, maar zelfs dan zal het weken duren. Zijn blessure is het grootste verlies van vandaag."
Kees van Wonderen is benaud dat er Sven van Beek lang misse moat
Mei de 0-0 kin Van Wonderen libje. "Mijn gevoel zegt dat wij een veldoverwicht hadden, maar zij waren gevaarlijker met hun kansen. Zeker die bal op de paal van Seuntjens. En Andries (Noppert, red.) pakte ook een paar ballen uitstekend."
It wie even lyn dat Hearrenfean foar it lêst in kompetysjewedstriid spile: 13 novimber tsjin Cambuur. No't Van Wonderen syn ploech nei hast twa moannen wer ris serieus yn aksje seach, falt it him net ôf. "Ons spel, onze houding, dat is prima. En het is niet zo eenvoudig om in Waalwijk 'even' punten op te halen. AZ heeft hier verloren en Ajax heeft het hier ook moeilijk gehad."
Kees van Wonderen kin libje mei it lykspul tsjin RKC
sc Hearrenfean krijt fan moarn ôf fleugeloanfaller Ché Nunnely op proef. Dat hat trainer Kees van Wonderen nei de wedstriid tsjin RKC Waalwijk (0-0) bekend makke.
Nunnely (23) siet yn de jeugd by Almere City, Utrecht en Ajax. By Willem II makke er syn earedivyzjedebút. By de klup út Tilburg gong er fan it simmer transferfrij fuort. Yn maaie skuorde Nunnely syn krúsbân. Sûnt dy tiid hat er net mear fuotballe.
