Minder treinferkear op 15 desimber troch staking meiwurkers Arriva
Op tongersdei 15 desimber is der minder treinferkear yn Fryslân. De cao-oerlizzen binne op neat útrûn, hat FNV bekendmakke.
It giet yn alle gefallen om de treinen fan Arriva. "Op vrijdag 16 december volgt het regionale spoor in de provincie Groningen en maandag op het regionale spoor in Zuid-Oost Drenthe", seit Edwin Kuiper, bestjoerder fan FNV.
Der komme dêrnei nei alle gedachten noch mear stakingen. Dêr moatte de bûnen noch ôfspraken oer meitsje.
Ofspraken net neikommen
Neffens Kuiper binne wurkjouwers "keer op keer" harren ôfspraken net neikommen. "Ze zouden met een verbeterd loonbod komen, die belofte zijn ze niet nagekomen. Daarnaast zijn alle voorstellen van vakbonden van tafel geveegd", seit Kuiper.
It giet om ien fan de twa cao's yn it streekferfier, dy't foar likernôch 1300 wurknimmers fan bedriuwen as Qbuzz, Arriva en Keolis. De fakbûnen wolle foar dizze wurknimmers dat de leanen automatysk meigeane mei de ynflaasje, dy't no heech is.
