Welcome to The Village wol oait werom nei Ljouwert: "Hier zijn we geboren"

Welcome to the Village yn de Griene Stjer yn 2017 © ANP
As it oan de organisaasje leit, komt it festival Welcome to The Village yn de takomst werom nei de Griene Stjer. "Dat hopen we, de tijd zal het leren."
It festival makke tiisdei bekend de gemeente Ljouwert nei tsien jier te ferlitten. Sûnt 2013 waard it holden yn natuergebiet de Griene Stjer, mar dat waard hieltyd dreger fanwegen tûkelteammen mei fergunningen. Dêrom ferhûze it festival dit jier al foar ien kear nei de Ljouwerter binnenstêd.
Mar de sjarme fan it festival is diels de griene omjouwing en dus siket de organisaasje nei in nij plak. "Dat was een moeilijk besluit", jout artistyk lieder Eva van Netten ta. "We hadden gehoopt dat we konden terugkeren naar de Groene Ster. Maar omdat het bestemmingsplan nog niet rond is, is dat voor ons een te groot risico."
Eva van Netten © Omrop Fryslân, Willem de Vries
It risiko is nammentlik dat der dan op 'e nij in juridyske streek troch it festival giet, krekt as de ôfrûne jierren op it lêste momint barde.

Drege put

De ferhûzing út Ljouwert wei is dêrom foar Welcome to The Village gjin beslút dat se graach makken. It betsjut ek dat se wer nije draaiboeken meitsje moatte, krekt sa't dat dit jier al moast foar de edysje yn de binnenstêd. "Je moet elke keer je festival opnieuw uitvinden. Dat is wel een leuke uitdaging, maar ook enorm moeilijk."
Wethâlder Hein Kuiken baalt der ek fan dat de gemeente de festivals kwytrekket. Want njonken Welcome to The Village giet it ek om Promised Land en Psy-Fi. "We wisten al langere tijd dat het een heel moeilijke afweging zou worden voor de organisatoren", seit er. "Ik kan er ook alleen maar begrip voor hebben."
Er is nergens een locatie zoals de Groene Ster.
Wethâlder Hein Kuiken
Krekt as Van Netten hopet de wethâlder dat de festivals yn de takomst werom komme nei Ljouwert. "We heten de festivals van harte welkom in Leeuwarden. De Groene Ster is daar een geschikte plaats voor, waar ze zich in alle pracht kunnen laten zien."
Hy wol de festivals graach fasilitearje. "Er is nergens een locatie zoals de Groene Ster. Een andere locatie doet afbreuk aan hoe het festival zich de afgelopen jaren heeft gemanifesteerd."

"Kan nog lang duren"

Om derfoar te soargjen dat de fergunnings yn de takomst net wer wankelje, moat it bestimmingsplan foar de Griene Stjer feroare wurde. "Zo'n bestemmingsplan kost ontzettend veel tijd. Komende winter begint de procedure, ik hoop dat de raad er voor de zomer van 2023 een besluit over neemt. Maar daarna is er ook weer een mogelijkheid om bezwaar aan te tekenen. Het kan dus nog lang duren."
Hein Kuiken, wethâlder yn de gemeente Ljouwert © Omrop Fryslân
2024 liket Kuiken dêrom wol mooglik, mar wissichheid kin er net jaan. "Dat is ook afhankelijk van hoe snel de procedures verlopen. Als gemeente zijn we daar niet altijd autonoom in."

'Syktocht giet goed'

Van Netten sjocht it wol sitten. "In Leeuwarden zijn we geboren, daar hebben we ook veel in geïnvesteerd. We willen ons hier in de toekomst ook ontwikkelen."
Yn de tuskentiid giet de syktocht nei in tydlike nije lokaasje troch. "Het liefst een groene locatie, zodat we de bekende sfeer van Welcome to The Village weer kunnen creëren. De zoektocht gaat redelijk goed, we hopen binnenkort iets meer te kunnen vertellen."