MCL fiert twa wiken lang operaasjes út om 'schrijnende zorg' oan te pakken
Sikehûs MCL yn Ljouwert fiert de kommende twa wiken operaasjes út by minsken dy't al lang op de wachtlist stean en dy't net noch langer op in operaasje wachtsje kinne.
"Het gaat om schrijnende zorg, zoals mensen die al een jaar met een katheter lopen of die niet meer kunnen slapen van de pijn. Dus mensen die langdurig veel klachten hebben," seit Tammo Brouwer, haad fan it operaasjesintrum fan it MCL.
It sikehûs hat in ynventarisaasje makke en mei alle ôfdielingen kontakt hân. Alle spesjalisten ha in list oanlevere mei minsken dy't op in operaasje wachtsje. By ortopedy en urology stean de measte minsken op de wachtlist. "We kunnen niet een week lang alleen mensen met orthopedische klachten behandelen." Der is in seleksje makke.
Der wurde gjin ekstra operaasjes dien. "We halen andere mensen naar voren. Het gaat om andere groepen, mensen die gepland stonden voor bijvoorbeeld een maagverkleining moeten dus nog even wachten."
MCL fiert twa wiken lang operaasjes út om 'schrijnende zorg' oan te pakken
Gewoanwei docht it MCL sa'n 350 operaasjes yn de wike. "Vanwege personeelstekorten kunnen we niet meer en we zouden er eigenlijk nog een operatiekamer bij moeten hebben."
De wachtlist foar corona wie 1500 oant 1700 minsken. "Dat is normaal voor een ziekenhuis als het onze." It is yn de coronatiid oprûn nei 3300.
Nei dizze twa wiken folget in evaluaasje en as dy posityf is, wurdt dit mooglik wer ris sa oanpakt.
