Ierdwaarmteprojekt yn Ljouwert krijt dochs in ferfolch
It ierdwaarmteprojekt yn Ljouwert kin dochs fierder. Om't de earste put minder waarmte opsmiet as ferwachte, wie ûnwis oft it projekt wol trochgean koe. It konsortium Warmte van Leeuwarden hat no dochs besletten om de boarring fan de twadde put troch te setten.
"We zien het enorme belang van aardwarmte", seit wurdfierder Gert Schurer fan it konsortium. "We hebben daarom de afgelopen maanden gekeken wat we kunnen doen om het project door te kunnen laten gaan."
Better rendemint
Schurer jout ta dat it giet om in boarne mei in beheinde kapasiteit, mar dêrfoar binne oplossingen betocht. "In de zomer produceer je te veel warmte, dus we gaan een pilot doen om het teveel aan warmte op te slaan onder de grond, zodat je het in de winter weer kunt gebruiken. Dan verbeter je het rendement."
Der wurdt ek op 'e nij subsydzje oanfrege. "De klanten willen het heel graag, dus op een gegeven moment is toch het besluit genomen om verder te gaan. Er moeten nog dingen opgelost worden, maar we gaan nu in ieder geval verder met voorbereidingen voor de tweede put", seit Schurer.
Dat it beslút no fallen is, hat der ek mei te krijen dat der materialen besteld wurde moatte. De boarringen sille plakha op in djipte fan 2,7 kilometer. "De buizen moeten allemaal besteld worden en daar zit een hele lange levertijd op, dus hoe langer je wacht met het nemen van een besluit, hoe verder je deadline naar achteren gaat schuiven."
Alternatyf foar gas
De ûnwissigens oer gasleverânsjes hawwe neffens Schurer neat te krijen mei it beslút om troch te gean mei it projekt. "Aardwarmte is sowieso een heel goed alternatief voor gas, afgezien van de prijzen en de marktsituaties."
It ierdwaarmteprojekt moat yn de takomst genôch waarmte opwekke foar sa'n 8000 húshâldens. De twadde put wurdt boarre yn it tredde fearnsjier fan takom jier. It is de bedoeling dat de saneamde 'kopgroep', dêr't bygelyks it MCL en de Achmeatoer ûnder falle, ein 2024 gebrûk meitsje kin fan de ierdwaarmte.
