Grinslanner foarearst frij, Friezinne langer fêst foar ôffaldumping A7
In 28-jierrige frou fan Achtkarspelen bliuwt trije moannen langer yn foararrest. Sy wurdt derfan fertocht yn july in blokkade fan de A7 útlokke te hawwen.
De frou wurdt ek beskuldige fan brânstichting en it oertrêdzjen fan de Wet miljeubehear. De riedkeamer fan de rjochtbank hat besletten dat in 32-jierrige man út de gemeente Westerkwartier wol frijlitten wurdt út foarriedich fêstsitten. Dêr sitte lykwols betingsten oan fêst, lit it Iepenbier Ministearje witte.
De man wurdt fertocht fan it blokkearjen fan de A7 by Fryske Peallen en Marum yn july en augustus. Ek hy wurdt beskuldige fan it oanstekken fan rommel en it oertrêdzjen fan de Wet miljeubehear.
