Sterke Jerke fan skipper Pieter Jilles Tjoelker kampioen fan de IFKS
It skûtsje de Sterke Jerke fan skipper Pieter Jilles Tjoelker is kampioen wurden yn de A-klasse fan de IFKS. Tjoelker wûn ek de slotwedstriid op De Lemmer.
Krekt foar fjouweren wie der pas genôch wyn om te starten. Klassemintslieder Sikke Heerschop begûn tige min oan de wedstriid en kaam hielendal efteryn te lizzen.
Tjoelker docht goede saken
Tony Brundel fan de Lytse Lies hie de bêste start, mar Pieter Jilles Tjoelker fan de Sterke Jerke die de bêste saken. Tjoelker kaam nei Brundel as twadde om de boppeste tonne, wylst konkurrinten Sikke Heerschop en Wietse Bandstra yn de efterein sylden.
Tjoelker gie Brundel letter sels foarby en lei dêrmei op kampioenskoers. Sikke Heerschop skarrele lykwols ek hieltyd mear nei foaren en dus waard it noch efkes spannend, mar it slagge Heerschop net om genôch nei foaren te silen om dochs noch de titel te pakken.
De útslach fan de slotwedstriid by De Lemmer
Nûmer | Skûtsje | Skipper |
1. | Sterke Jerke | Pieter-Jilles Tjoelker |
2. | Lytse Lies | Tony Brundel |
3. | Eelkje II | Jeroen de Vos |
4. | Ut en Thús | Floriaan Zwart |
5. | Us Heit | Wytse Heerschop |
6. | It Doarp Eastermar | Geale Tadema |
7. | Ingelskman | Sikke Heerschop |
8. | Eeltje Baas | Klaas Kuperus |
9. | Grytsje Obes | Arjen de Jong |
10. | Redbad | Wietse Bandstra |
11. | Waaksdom | Ulbe Zwaga |
12. | Jonge Jasper | Froukje Osinga |
13. | Raerder Roek | Sijmen Kalsbeek |
14. | Ora et Labora | Sietse Broersma |
15. | 't Swarte Wief | Jaap Hofstee |
16. | Freonskip | Hartman Witteveen |
Yn it einklassemint is Tjoelker dus de kampioen. Nei in oerwinning yn de C- en de B-klasse wint hy dus ek by de A's. Sikke Heerschop is de nûmer twa en Wietse Bandstra de nûmer trije.
Arjen de Jong, Sijmen Kalsbeek en Hartman Witteveen degradearje nei de B-klasse.
It einklassemint fan de grutte A-klasse
Nûmer | Skûtsje | Skipper | Punten |
1. | Sterke Jerke | Pieter-Jilles Tjoelker | 19,8 |
2. | Ingelskman | Sikke Heerschop | 23,9 |
3. | Redbad | Wietse Bandstra | 28 |
4. | It Doarp Eastermar | Geale Tadema | 31 |
5. | Lytse Lies | Tony Brundel | 35,9 |
6. | Ut en Thús | Floriaan Zwart | 38 |
7. | Eelkje II | Jeroen de Vos | 38,9 |
8. | 't Swarte Wief | Jaap Hofstee | 40,9 |
9. | Eeltje Baas | Klaas Kuperus | 42 |
10. | Us Heit | Wytse Heerschop | 45 |
11. | Jonge Jasper | Froukje Osinga | 57 |
12. | Waaksdom | Ulbe Zwaga | 59 |
13. | Ora et Labora | Sietse Broersma | 61,9 |
14. | Grytsje Obes | Arjen de Jong | 62 |
15. | Raerder Roek | Sijmen Kalsbeek | 66 |
16. | Freonskip | Hartman Witteveen | 92 |
De oare klassen
Fanwegen te folle wynskiftingen waard de wedstriid fan de lytse A ôfbrutsen. Der waard in nije wedstriid start mei in oare baan. It earste plak yn de slotwedstriid gie nei Andries Brouwer mei De Reuzen. Hy waard dêrmei ek kampioen. Harm van der Weiden en Herke Boskma kamen sneon as twadde en tredde oer de einstreek.
De dei-oerwinning yn de B-klasse wie foar Henk Regts. Jeroen Sijtsma waard twadde en Steven Zijsling waard tredde. Daan van der Meer mei Westenwind is kampioen wurden.
Yn de C-klasse wie sneon gjin wedstriid om't der moarns gjin wyn wie. Dat betsjut dat Age Bandstra mei de Frya Fresena dit jier kampioen wurden is. Twad is Jelle Los en tred Olphert van der Pol. Sy promovearje nei de B-klasse.
Folgje de IFKS by Omrop Fryslân. It ferslach fan de wedstriid fan de A-klasse bringe we op de radio en fansels is de útslach te lêzen op ús webside en app.
Mear ynformaasje oer it skûtsjesilen is te finen op ús dossierside.