Liveblog | 21 augustus 2022

Sportblog fan 20 augustus: Marijke Groenewoud wint Iepen NK skeelerjen

Yn dit liveblog hâlde we jo op 'e hichte fan it lêste Fryske sportnijs. Der is ûnder mear keatsen, skeelerjen en fuotbal. En fansels it FK fierljeppen, de slotdei fan it IFKS skûtsjesilen en ek noch earedivyzjefuotbal mei sc Hearrenfean en SC Cambuur. It programma:

10.00 Burchwert: Haadklasse keatsen froulju t.e.l.
11.00 Dokkum: Haadklasse keatsen manlju t.e.l.
13.30 Winsum: FK fierljeppen
14.00 Hallum: Iepen NK skeelerjen
14.30 3D Harkemase Boys-ASWH
14.30 De Lemmer: IFKS skûtsjesilen
16.30 Vitesse-sc Hearrenfean
18.45 Fortuna Sittard-SC Cambuur

Dit liveblog is ook in het Nederlands te volgen.

Lêst bywurke: 21 augustus 2022, 16:06

21:35

Ek SC Cambuur kin trije punten byskriuwe. De Ljouwerters wûnen nei in 1-0 efterstân mei 1-4 fan Fortuna Sittard.

18:26

Sportklup Hearrenfean hat de earste oerwinning fan it seizoen pakt. Yn Arnhem wie de ploech fan trainer Kees van Wonderen mei 4-0 te sterk foar Vitesse. Sydney van Hooijdonk makke trije doelpunten, Amin Sarr skoarde ien kear.

Amin Sarr © Orange Pictures

17:35

Pieter Jilles Tjoelker hat it wer foar elkoar. Nei in kampioenskip yn de C- en de B-klasse, wie hy dit jier de bêste by de grutte A's. Tjoelker wûn de slotwedstriid by De Lemmer en gie Sikke Heerschop foarby yn it klassemint.

16:50

De winst by it FK fierljeppen yn Winsum giet nei Oane Galama. Hy pakt dêrmei de Sulveren Pols. De Glêzen Ljepster, de priis foar de bêste frou is foar Marrit van der Wal.

16:48

Patrick van Dellen, Daniël Iseger en Hans Wassenaar pakke de krânsen by de haadklassewedstriid foar de manlju yn Dokkum. Yn de finale wienen sy mei 5-5 4-6 te sterk foar Tjisse Steenstra, Renze Hiemstra Erwin Zijlstra.

16:44

De Belch Bart Swings hat de 33ste edysje fan it Iepen NK skeelerjen wûn. Crispijn Ariëns kaam as twadde oer de finish en Harm Visser fan Surhústerfean einige as tredde.