Roeisters Clevering en Meester pakke brûns op EK yn München
De Friezinne Ymkje Clevering en har teamgenoat Veronique Meester hawwe by de Europeeske kampioenskippen roeien yn München it brûns pakt yn de twa-sûnder.
It Nederlânske duo begûn sterk, mar seach de roeisters fan Roemenië (goud) en Grut-Brittannië (sulver) ûnderweis passearjen. It ferskil tusken de Roemeenske en de Britske froulju wie in lytse 2 sekonden. Nederlân joech mear as fiif tellen ta.
Clevering en Meester makken op de Olympyske Spelen fan Tokio noch diel út fan de fjouwer-sûnder, dy 't goed wie foar sulver. Dy boat ferovere de ôfrûne trije jier de Europeeske titel.