Coronafaksinaasjes by XXL-priklokaasje Ljouwert fertrage troch brânalarm

Troch in brânalarm yn it WTC yn Ljouwert hat de GGD fertraging oprûn by it setten fan faksinaasjes tsjin it coronafirus. De folsleine XXL-priklokaasje moast ûntromme wurde.
© Omrop Fryslân
Efkes nei 14.00 oere gie it alarm ôf. Alle minsken moasten doe neffens protokol nei bûten. Nei in healoere wie dúdlik dat der gjin brân wie. Eltsenien koe doe wer nei binnen.
© Omrop Fryslân, Saapke Binnema
De GGD hat no in healoere efterstân by it setten fan faksinaasjes tsjin it coronafirus. Der wurdt lykwols ferwachte dat dy efterstân yn de kommende oeren wer ynrûn wurdt.