781 nije coronabesmettingen registrearre yn Fryslân

5 desimber 2021, 15:22 • 1 minút lêstiid

Yn Fryslân binne yn de ôfrûne 24 oeren 781 nije coronabesmettingen registrearre. Dat meldt it RIVM. It binne der sân mear as sneon. Doe waarden 774 besmettingen meld.

De testlokaasje fan de GGD oan de Elzenlaan yn Ljouwert © LEO Middelsé, Lennard Geerts

Yn trochsneed binne yn de ôfrûne wike alle dagen 852 besmettingen meld yn Fryslân. Sneon lei dat trochsneed op 824 besmettingen, in wike lyn op 869.

Ien stjergefal

Yn Fryslân is yn de ôfrûne 24 oeren ien stjergefal fêststeld as gefolch fan it coronafirus. Dat is in ynwenner fan de gemeente Ljouwert.

Der binne fjouwer Friezen mei it coronafirus opnommen yn it sikehûs. Dat giet om trije ynwenners fan de gemeente Ljouwert en ien fan Noardeast-Fryslân.