Hotel op It Amelân ûntromme nei útslaande brân
Hotel Dolorus op It Amelân is sneontejûn ûntromme nei in útslaande brân. Der wie brân ûntstien yn it dak fan it hotel oan de Yme Dunenweg yn Hollum.
De brânwacht hie it fjoer nei in goed healoere ûnder kontrôle en hat dêrnei alle keamers trochsocht. Fjirtich gasten waarden ûntromme nei de 'korte, hevige brand'. Der moat nei alle gedachten oar ûnderdak fûn wurde foar harren.
De brân soe ûntstien wêze yn de keuken.