Tal besmettingen rint yn ien wike mei tredde part werom
Yn Fryslân reitsje noch hieltyd mear minsken besmet mei it coronafirus as yn oare provinsjes, mar ek by ús rint it tal positive besmettingen werom: fan 876 in wike lyn nei 598 de ôfrûne wike. Dat is in delgong fan 31,7 prosint.
Yn trochsneed gie it om 85 besmettingen deis yn de ôfrûne wike yn Fryslân, in wike earder wie dat 125.
De gemeente Noardeast-Fryslân hie mei 124 registraasjes de measte besmettingen. Nei Noardeast-Fryslân komme Ljouwert (88) en Súdwest-Fryslân (59). De gemeenten Skiermûntseach en Flylân binne de iennige gemeenten dy't de hiele wike frijbleaune fan nije besmettingen.
Omrekkene ek it meast yn Noardeast
Op dit stuit is it tal besmettingen omrekkene nei it tal ynwenners ek yn Noardeast-Fryslân it heechst. Op 100.000 ynwenners wienen der 274 besmettingen fêststeld. Buorgemeenten Dantumadiel, Achtkarspelen en Tytsjerksteradiel folgje mei respektyflik 201, 126 en 109 besmettingen de 100.000 ynwenners.
Gjin stjergefallen, trije sikehûsopnamen
Yn de ôfrûne wike binne der gjin Friezen stoarn oan it coronafirus. Ferline wike wie der ien stjergefal.
Trije Friezen binne mei it coronafirus yn it sikehûs opnaam. Dat giet om twa ynwenners fan de gemeente Noardeast-Fryslân en ien fan Hearrenfean.
Tal sikehûsopnamen en stjergefallen de wike ûnder ynwenners fan Fryslân (sjochst de grafyk net goed, klik dan hjir):
Goed 53.000 Friezen hawwe corona hân
Mei de 598 testen fan de ôfrûne wike is no yn totaal by 53.508 Friezen it coronafirus fêststeld.
It offisjele stjertesifer yn ferbân mei it firus yn de provinsje Fryslân leit op 488. It echte tal stjergefallen as gefolch fan it firus leit heger, om't net elkenien test wurdt. Dêrom is net fal elk stjergefal bekend oft dat oan it firus lei of net.
Sjoch foar mear sifers en foar grafiken oer it coronafirus op ús dossierside.
Tal besmettings en stjergefallen de wike
| WIKE | BESMETTINGEN | STJERGEFALLEN |
| 17 septimber - 23 septimber | 598 | 0 |
| 10 septimber - 16 septimber | 876 | 1 |
| 3 septimber - 9 septimber | 988 | 1 |
| 27 augustus - 2 septimber | 755 | 0 |
| 20 augustus - 26 augustus | 737 | 0 |
| 13 augustus - 19 augustus | 547 | 1 |
| 6 augustus - 12 augustus | 535 | 2 |
| 30 july - 5 augustus | 589 | 2 |
| 23 july - 29 july | 838 | 1 |
| 16 july - 22 july | 1.471 | 1 |
| 9 july - 15 july | 1.474 | 1 |
| 2 july - 8 july | 232 | 0 |
| 25 juny - 1 july | 69 | 1 |
| 18 juny - 24 juny | 89 | 0 |
| 11 juny - 17 juny | 136 | 1 |
| 4 juny - 10 juny | 267 | 1 |
| 28 maaie - 3 juny | 540 | 0 |
| 21 maaie - 27 maaie | 674 | 2 |
| 14 maaie - 20 maaie | 927 | 3 |
| 7 maaie - 13 maaie | 1.129 | 3 |
| 30 april - 6 maaie | 1.177 | 4 |
| 23 april - 29 april | 1.358 | 4 |
| 16 april - 22 april | 1.505 | 1 |
| 9 april - 15 april | 1.470 | 6 |
| 2 april - 8 april | 1.533 | 4 |
| 26 maart - 1 april | 1.651 | 7 |
| 19 maart - 25 maart | 1.666 | 10 |
| 12 maart - 18 maart | 1.611 | 10 |
| 5 maart - 11 maart | 1.180 | 16 |
| 26 febrewaris - 4 maart | 1.162 | 19 |
| 19 febrewaris - 25 febrewaris | 1.350 | 21 |
| 12 febrewaris - 18 febrewaris | 1.129 | 39 |
| 5 febrewaris - 11 febrewaris | 1.207 | 41 |
| 29 jannewaris - 4 febrewaris | 1.181 | 30 |
| 22 jannewaris - 28 jannewaris | 1.310 | 29 |
| 15 jannewaris - 21 jannewaris | 1.592 | 20 |
| 8 jannewaris - 14 jannewaris | 1.529 | 18 |
| 1 jannewaris - 7 jannewaris | 1.697 | 17 |
| 25 desimber - 31 desimber | 1.644 | 19 |
| 18 desimber - 24 desimber | 1.804 | 5 |
| 11 desimber - 17 desimber | 1.384 | 6 |
| 4 desimber - 10 desimber | 974 | 4 |
| 27 novimber - 3 desimber | 703 | 9 |
| 20 novimber - 26 novimber | 672 | 13 |
| 13 novimber - 19 novimber | 720 | 17 |
| 6 novimber - 12 novimber | 561 | 6 |
| 30 oktober - 5 novimber | 838 | 8 |
| 23 oktober - 29 oktober | 926 | 9 |
| 16 oktober - 22 oktober | 1.051 | 5 |
| 9 oktober - 15 oktober | 1.160 | 2 |
| 2 oktober - 8 oktober | 666 | 0 |
| 25 septimber - 1 oktober | 515 | 0 |
