Foarwerp nei binnen smiten by plysjeburo Dokkum
By it plysjeburo fan Noardeast-Fryslân yn Dokkum is mooglik in brânend foarwerp nei binnen smiten. De brânwacht waard krekt foar ienen alarmearre foar in brânmelding yn it plysjeburo. Al frij gau waard lykwols dúdlik dat der foar de brânwacht neat te rêden wie.
Neffens de teamsjef fan it plysjeburo hat der in slim ynsidint plakhân by it plysjeburo. Wat dat krekt is wurdt letter bekend makke. De wurdfierder fan de plysje Noard-Nederlân woe allinnich kwyt dat der 'wat' yn it plysjeburo smiten is. Wat dat krekt wie wurdt noch ûndersocht.
Mooglike brânbom
Neffens boarnen giet it om in fjoerwurk- of brânbom dy't rjochting of yn it plysjeburo smiten is. Oer de skea oft fertochten is op dit stuit noch neat bekend.