Fytser mei lichte ferwûningen nei sikehûs nei oanriding yn Burgum
Op de Markt yn Burgum is sneontemoarn in fytser ferwûne rekke nei in botsing mei in auto. Hoe't it ûngelok krekt barre koe, is net dúdlik. Ambulânsepersoniel hat de fytser holpen. Dy moast mei lichte ferwûningen nei it sikehûs brocht wurde.
De auto en de fyts rekken skansearre. De plysje hat it ûngelok fierder ôfhannele.
