Liveblog | 10 oktober 2020

Coronanijs fan 10 oktober: 114 nije besmettingen; IC-baas wol folsleine lockdown

Yn dit liveblog is it lêste nijs oer it coronafirus yn Fryslân te folgjen.
Bywurke: 10 oktober 2020, 22:57
22:57

Ein fan dit liveblog

Oant safier dit coronaliveblog fan sneon oktober. Dit wie it wichtichste nijs fan hjoed:
Snein is der op ús webside en yn ús app in nij liveblog mei it lêste Fryske nijs oer it coronafirus.
22:17

Hoelang is Skiermûntseach noch coronafrij?

Skiermûntseach noch hieltyd coronafrij
19:15

Soargen by musea

De skoallen ha fakânsje en dat heart foar de musea in goede perioade te wêzen: bern mei pake's en beppes op besite, mei alderhande aktiviteiten. Dit jier is dat oars, want der meie folle minder minsken nei binnen. En dus ha de musea finansjele soargen. Takom jier wurdt it spannend.
Finansjele soargen foar musea
18:30

Ha jo de CoronaMelder al?

De corona-app is fan sneon ôf foar elkenien beskikber. Mei de CoronaMelder op de telefoan binne neffens it kabinet it firus en de útbraken fan besmettingen te trasearjen en yn te damjen.
Elkenien kin dizze app brûke, mar docht elkenien dat ek?
© Omrop Fryslân
17:44

Gommers wol yn lockdown

Diederik Gommers © ANP
Diederik Gommers, de foarsitter fan de Nederlandse Vereniging voor Intensive Care, seit yn it AD dat de rappe taname fan it tal coronabesmettingen reden is om gau yn in folsleine lockdown te gean. "De maatregelen zijn niet afdoende gebleken", seit der tsjin de krante. "De bedoeling was flatten the curve. Dat wil nog niet lukken."
Gommers is der grut foarstanner fan dat "we zo snel mogelijk in een lockdown gaan. En dan geen intelligente lockdown of iets dergelijks, maar een volledige. Anders verandert er niets. Hopelijk kunnen we er dan snel weer uit."
16:43

Tiisdei nije parsekonferinsje

It liket erop dat premier Rutte en minister De Jonge tiisdei in parsekonferinsje jouwe oer nije maatregels tsjin it coronafirus. It kabinet riedt him dêr dizze dagen op ta.
De lêste parsekonferinsje oer corona wie twa wiken lyn.
15:25

Minister hat noch hoop

Soarchminister Hugo de Jonge hopet noch altyd dat it deistige tal coronabesmettings dit wykein dochs noch 'ôfflakket'. Mar as dat net it gefal is, dan binne nije maatregels ûnûntkomber, seit er.
It kabinet oerleit snein wer oer it tal besmettings, dat noch hieltyd oprint. Hjoed binne der lanlik 6500 nije besmettingen meld, goed fiifhûndert mear as juster.