Hearrenfeantrainer Van Wonderen sjocht tal tsjingoals sels by de training tanimmen

Kees van Wonderen © Orange Pictures
Sportklup Hearrenfean krijt tefolle goals tsjin en trainer Kees van Wonderen hat dêr sa ien, twa, trije gjin medisyn foar. Hy sjocht dat as in lestich op te lossen probleem. "Als ik mezelf zo hoor praten, dan ervaar ik dat zo ja."
De lêste fjouwer wedstriden krige Hearrenfean tolve goals tsjin. Tsjin Feyenoord foel dat mei ien goal noch ta, mar RKC en Ajax makken yn it Abe Lenstra elk fjouwer goals. Wylst FC Twente ek trije kear de bal efter keeper Xavier Mous krige.
Neffens Van Wonderen leit it net oan ien spesifyk probleem. "Eén verklaring is er niet. Er zijn een aantal redenen voor denk ik. Het zijn niet steeds dezelfde situaties of dezelfde personen. Maar we hebben het er wel over."
Mar as in ferrassing komt it net foar de haadtrainer. "In trainingen gebeurt het ook. Het komt niet uit de lucht vallen. Want als het op trainingen gebeurt, dan zal dat tijdens wedstrijden vroeg of laat terugkomen."
Kees van Wonderen oer de wedstriid tsjin Grins en it hege tal tsjingoals
Mar echt ien reden kin Van Wonderen hjir net foar fine. Neffens him hat dat mei ferskate saken te meitsjen. "Dat heeft met concentratie te maken, met het type spelers die we hebben, met scherpte van de eerste tot de laatste minuut. Tegen RKC hebben we het bijvoorbeeld zestig minuten goed voor elkaar en geven we het in het laatste kwartier weg."

Ferslopping?

Van Wonderen seit mei klam, sa as sa faak dit seizoen, dat je altyd skerp wêze moatte en de yntinsiteit heech wêze moat. "Je moet dus constant het gevecht aangaan. De verschillen in de competitie kunnen dan ineens heel groot worden als je je zaken niet goed voor elkaar hebt."
Oft it ferslopping is, dêr twivelet er oan. "Tja, verslapping? Of dat het niet in de natuur of aard van de speler zit om constant het gevaar te blijven zien of verantwoording te nemen. Of te makkelijk denken. Maar er is niet één medicijn voor."
Het ziet er nu redelijk stabiel uit.
Trainer Kees van Wonderen oer FC Grins
Hearrenfean treft snein FC Grins. De nûmer santjin fan de earedivyzje is yn in fûle striid om degradaasje foar te kommen mei ûnder oare SC Cambuur. Grins stiet mar ien punt boppe de nûmer lêst Cambuur.

Grins lêste wiken hieltyd better

Mar de lêste wiken spilet Grins wol better. Mei oankeapen sa as Elvis Manu, Jetro Willems en Johan Hove liket it dat se wol in kwaliteitsympuls krigen ha.
Van Wonderen ferwachet dat de thúsploech der wol yn kletst. "Daar mag je wel van uitgaan. Die willen de volgende stap zetten in het lijfsbehoud. Dus dan mag je verwachten dat ze daar enorm veel energie in gaan stoppen. En ik moet zeggen dat ze sinds ze een aantal spelers terug hebben het er redelijk stabiel uitziet. Ze zijn ook tegen grotere ploegen dichtbij een resultaat geweest."

Karlsbakk werom fan sykte

Hearrenfean miste tsjin Ajaxspits Daniel Karlsbakk. Hy wie siik. Fierders binne allinnich de al langer net fitte Sven van Beek en keeper Andries Noppert der net by. Thom Haye is wer hielendal better. Hy sil yn de basis begjinne.
De wedstriid tusken FC Grins en sc Hearrenfean begjint snein om 12.15 oere. It is live te folgjen by Omrop Fryslân yn de radioprogramma's Buro de Vries en Snein yn Fryslân. Sportferslachjouwer Roelof de Vries fersoarget it kommentaar út Grins wei.
Letter op de middei docht Geert van Tuinen ferslach fan it duel tusken Excelsior en SC Cambuur. Dy wedstriid begjint om 14.30 oere.