De EU, de regio’s en de takomst

Nei oanlieding fan de oankommende Europeeske parlementsferkiezingen, op 23 maaie, dûkt Omrop Fryslân yn it Europa fan no en de takomst. Wat hawwe de minderheden te freegjen en te bieden oan de Europeeske Uny? En wat is Europa eins en steane der ek Friezen op de list? Op dizze pagina fynst alles werom.

Europa foar begjinners

Wat is Europa eins en wat hawwe de ynwenners deroan? Yn de wike foar de Europeeske ferkiezingen jout Omrop Fryslân antwurd op dy fraach yn it programma 'Europa foar begjinners'. Presintator Emiel Stoffers giet ûnder oare yn Straatsburch op 'en paad mei Europarlemintariër Jan Huitema. Tegearre sjogge se wat de Europeeske Uny is, wat dy foar ús docht en wat wy deroan hawwe. Europa foar begjinners is 21, 22 en 23 maaie te sjen om 17.45 oere.

Oflevering 1: Op in paad mei Europarlemintariër Jan Huitema

Oflevering 2: Op besite by Wetsus

Oflevering 3: Fryske eksport

 

Buro de Vries

Radioprogramma Buro de Vries, alle sneinen om 11.00 oere, hat alle wiken in Fryske kandidaat fan it Europeeske ferkiezingen te gast.

 

Fryslân DOK: De Grinzen fan Europa

Yn it trijelûk 'De grinzen fan Europa' siket Fryslân DOK it antwurd op de fraach wat de minderheidsgebieten oan de EU te freegjen, mar foaral ek te bieden hawwe. By de oprjochting fan de EU wie de ferwachting dat Europa der ek foar de minderheden en de regio's wêze soe. Faak moat de EU lavearje tusken it belang fan de minsken yn de regio's en dat fan de naasjesteaten. It docht bliken dat de Brusselske bestjoerders faak kieze foar it lêste. De grinzen fan Euopra: snein 5, 12 en 19 maaie fan 17.00 oere ôf alle oeren by Omrop Fryslân op telefyzje.

Diel 1: de Roma yn Plovdiv, Bulgarije

Diel 2: de Sami yn Jokkmokk yn Sweden

Diel 3: de Val d'Aran yn Kataloanië

(advertinsje)

Mear nijs oer De EU, de regio’s en de takomst