Boargemaster Jannewietske de Vries fan Súdwest-Fryslân hat twa drugspannen yn Makkum en Snits sletten foar de kommende moannen.
Yn in wenning oan de Petrus Groeniastraat yn Makkum fûn de plysje in hannelshoemannichte harddrugs, maar waard ek guod oantroffen om harddrugs te produsearjen.
Begjin dizze moanne waard oan de Maststraat yn Snits in protte harddrugs fûn. De wenning stie al bekend as in plak dêr't drugs brûkt waard en dêr't yn it ferline ferskate ynsidinten plak hienen.
De wenning yn Makkum giet trije moannen op slot, de drugswenning yn Snits bliuwt seis moannen ticht.
Grutte plysjekontrôle by wettersportbedriuwen yn De Fryske Marren
De plysje en de hanthavening fan De Fryske Marren hawwe in grutte kontrôle útfierd tsjin ûndermining yn de wettersport.
By tal fan wettersportbedriuwen yn de gemeente is in check dien, om te sjen oft alles neffens de regels ferrint.
Yn de measte gefallen hiene de bedriuwen de boel op oarder, lit de gemeente witte.
Mar der wiene twa útsûnderingen. By ien bedriuw hat de plysje in bûtenboardmotor yn beslach naam en by in oar bedriuw in sloep. De plysje tinkt dat dy stellen binne.
Dat wurdt op dit stuit fieder ûndersocht. By de kontrôle waard sjoen oft de oankeapen korrekt yn it Digitaal Opkopers Register (DOR) registrearre binne. Dat is in ferplichte register foar hannelers yn twaddehânsk guod.
De Fryske Marren hopet dat de yntegrale kontrôle helpt by it foarinoar krijen fan in earlike en feilige sektor.