AVROTROS: noch net wis oft Nederlân folgjend jier meidocht oan Songfestival
AVROTROS, dy't de Nederlânske dielname oan it Eurovisie Songfestival fersoarget, hat noch net besletten of Nederlân de folgjende edysje wer meidocht. Dat lit de omrop tongersdei witte yn in ferklearring oer it ûndersyk fan de EBU nei klachten oer in ûnfeilige sfear by it evenemint.
EBU, de Europeeske koepel dy't it festival organisearret, moat fan de Nederlânske delegaasje earst in tal feroaringen trochfiere.
"Tot het moment dat AVROTROS vertrouwen heeft dat structurele aanpassingen genomen worden om de artiesten en hun muzikale boodschap weer centraal te stellen, houden we deelname aan het Songfestival in beraad", seit de omrop.
Diskwalifikaasje noch hieltyd "disproportioneel"
De Fryske artyst Joost Klein waard dit jier foar de finale diskwalifisearre fanwege in ynsidint efter de skermen mei in kamerafrou. De Nederlânske delegaasje neamde it beslút fan EBU fuortendaliks "disproportioneel".
Dat stânpunt is net feroare, seit AVROTROS. De Nederlânske delegaasje freget begryp foar it feit dat "nog niet alles openbaar gemaakt kan worden. Het onderzoek van het incident na afloop van het optreden van Joost Klein in de tweede halve finale is nog in behandeling bij het Zweedse Openbaar Ministerie. Gedurende dit onderzoek kunnen we helaas niet inhoudelijk ingaan op de details, de toedracht en de afwikkeling van dit incident omdat dit het onderzoek zou kunnen beïnvloeden."
AVROTROS wurket mei oan ûnderysk
De omrop hat fan de EBU in fersyk hân om mei te wurkjen oan it ûndersyk en sil dat ek dwaan. AVROTROS stelt wol mei klam "van mening te zijn dat een breder, diepgravend en echt onafhankelijk onderzoek nodig is om structurele problemen te adresseren. Niet alleen de werkwijze van de organisatie in Malmö en de EBU".
Mar ek "de regels/procedures en beroepsmogelijkheden bij klachten en de toegenomen druk op de artiesten en delegaties in aanloop naar en tijdens het Songfestival zouden onderwerp van onderzoek moeten zijn door een erkend en onafhankelijk onderzoeksbureau."
EBU wie de ôfrûne dagen net berikber foar in fierdere taljochting op it oankundige ûndersyk.