Omnium fan 22 jannewaris

Tsjin alle warskôgings yn wol it iis op gean, en der trochhinne sakje? Dan moatte jo sels opdraaie foar de kosten fan de rêding. Dat wol foarsitter Jan Oostenbrug fan it Frysk IIsbûn. Yn de reade tried prate we hjiroer mei in echte iisgek: skûtsjeskipper en natoeriisfanaat Ane Tjerkstra.

Fierder in petear oer de 'spirituele neilittenskip'. In soad minsken wolle har eigen libbensferhaal op papier sette. Neffens auteur en filosoof Minne Buwalda hoecht dat net altiten in literêr topstik te wêzen. Yn it boek 'Het verhaal dat je nalaat' jout hy tips oer hoe't it ek kin.

Yn de rige in man dy't op alle dagen op fakânsje giet nei syn wurk.

Presintaasje: Roelof Lousma

Diel dit berjocht op:
Omnium

Omnium

Freed 20 septimber wie de alderlêste útstjoering fan Omnium, mei yngong fan 23 septimber is der fan 12.00 oant 14.00 oere in nij nijs en achtergrûn programma. Muzyk yn Bedriuw is moarns dan te beharkjen fan 09.00 oant 12.00 oere. Omnium is in serviceprogramma mei achtergrûnen by it nijs en ynformative ûnderwerpen. Alle wurkdagen tusken 11.00 en 12.00 oere komt in grut ferskaat oan de oarder. It kin yn Omnium gean oer skiednis, oer polityk, mar ek oer sûnenssoarch of ekonomy.
(advertinsje)