Omnium fan 2013-01-17T11:00:00

It Psychiatryske Sikehûs yn Frjentsjer spile yn de Twadde Wrâldkriich in bysûndere rol. De ynstelling moast njonken de eigen bewenners nochris hûnderten ekstra pasjinten út de rest fan Nederlân opfange. Ek waarden joadske ûnderdûkers opfongen. In gefaarlike saak, want de lieding fan de PZ bestie foar in part út NSB'ers. Omrop Fryslân sil in dokumintêre meitsje oer dizze perioade. Dêrby binne de makkers noch op syk nei minsken dy't dy tiid meimakke ha en deroer fertelle kinne. Bygelyks bewenners, ferpleechkundigen of Frjentsjerters.

Sûnder dat je't miskien witte komt ek yn jo hûs radioaktive strieling foar. Dat komt út de grûn en út it beton en de stiennen dêr't je hûs mei boud is. It RIVM is in ûndersyk start nei hoe skealik oft dy stoffen krekt binne. Guon saakkundigen sizze dat der as gefolch fan dy strieling hûnderten minsken yn 't jier ferstjerre. Yn Omnium in saakkundige.

Fierder in reportaazje oer in 'fannaat' fan âlde auto's.

Presintaasje: Rene Koster

Diel dit berjocht op:
Omnium

Omnium

Freed 20 septimber wie de alderlêste útstjoering fan Omnium, mei yngong fan 23 septimber is der fan 12.00 oant 14.00 oere in nij nijs en achtergrûn programma. Muzyk yn Bedriuw is moarns dan te beharkjen fan 09.00 oant 12.00 oere. Omnium is in serviceprogramma mei achtergrûnen by it nijs en ynformative ûnderwerpen. Alle wurkdagen tusken 11.00 en 12.00 oere komt in grut ferskaat oan de oarder. It kin yn Omnium gean oer skiednis, oer polityk, mar ek oer sûnenssoarch of ekonomy.
(advertinsje)