Omnium fan 2 maaie

Ryk wurde kin elkenien! Dat skriuwt ekonome en finansjeel sjoernalist Erica Verdegaal yn har nije boek, 'Waar doen ze het van? Hoe je rijk wordt. En blijft'. Hoe't je dat finansjele sukses krekt berikke moatte? Se fertelt it yn Omnium.

Fierder in reportaazje oer de Westlike Ynfalswei. Om Ljouwert hinne wurdt drok boud oan in nije en bettere ynfrastruktuer. Duorsumens is dêrby ek fan belang. Projektlieder Peter de Jong jout útlis.

Yn de Rige wer in ferhaal oer evakuees yn oarlochstiid yn Fryslân. Hjoed: Coen Smiezing. Hy waard evakuearre nei De Jouwer en wenne dêr by de famylje Van der Zee.

Dat en mear, hjoed yn Omnium. Mei René Koster.

Diel dit berjocht op:
Omnium

Omnium

Freed 20 septimber wie de alderlêste útstjoering fan Omnium, mei yngong fan 23 septimber is der fan 12.00 oant 14.00 oere in nij nijs en achtergrûn programma. Muzyk yn Bedriuw is moarns dan te beharkjen fan 09.00 oant 12.00 oere. Omnium is in serviceprogramma mei achtergrûnen by it nijs en ynformative ûnderwerpen. Alle wurkdagen tusken 11.00 en 12.00 oere komt in grut ferskaat oan de oarder. It kin yn Omnium gean oer skiednis, oer polityk, mar ek oer sûnenssoarch of ekonomy.
(advertinsje)