18yn2018 fan 1 july 2015 17:20

Yn de lêste ôflevering fan 18yn2018 folgje we Robin van Riet en Morgan Spruijtenberg.

Twa topsporters yn de lêste ôflevering fan 18yn2018. Robin van Riet bringt in soad tiid troch yn de Ljouwerter iishal. Hy docht oan shorttracken. Syn grutste dream is om mei te dwaan oan de Olympyske Spullen. Fierder wol er graach wurk krije yn de technyk.

Morgan Spruijtenburg is ek alle dagen drok mei har sport. Doe’t sy tolve jier wie, ferlear Morgan har mem. In grut ferlies foar sa’n jong famke. Op It Hearrenfean sit sy op de topsport talintskoalle fan OSG Sevenwolden. De skoalle is hielendal ynsteld op it skema fan de sporters.

18yn2018 is te sjen alle dagen om 17.20 oere en hjir nei alle oeren nei Hea!

Diel dit berjocht op:

18yn2018

Yn 18yn2018 folget programmamakker Dieuwke Kroese fjouwer jier lang achttjin jongeren fan trettjin en fjirtjin jier. Yn 2018 binne sy achttjin jier âld. Ferline jier binne de earste opnamen makke. De searje 18yn2018 jout in bysûnder byld fan de jonge minsken en harren eigen takomstdreamen.
(advertinsje)