Kings Battle

Omrop Fryslân live by de Kings Battle op 27 april yn Blauhús

Foto: Rararacing.nl

Wa wurdt de King of Dirt? Oftewol: wa wint de Kings Battle yn Blauhús. Op tongersdei 27 april stjoert Omrop Fryslân dy autocrossraces fan 13.00 oant 18.00 oere live út op telefyzje. Dat alles is ek online te folgjen fia Omropfryslan.nl en de Omrop-app.

It programma wurdt presintearre troch Miranda Werkman en it kommentaar komt fan Freark Wijma en Roelof Reitsma. Ferslachjouwer Jantine Weidenaar is de hiele dei tusken de minsken en de auto’s te finen om ferslach te dwaan fan al it barren op dy dei. Ek is it mooglik om de races yn it bûtenlân te folgjen mei in Ingelsktalige stream fia www.omropfryslan.nl/live/kingsbattle.

Jûns om 18.20 oere, en dêrnei alle oeren, is in kompilaasje fan de races te sjen. Yn dy útstjoering binne ûnder oare fjouwer portretten fan Kings Battle dielnimmers te sjen. Dy minsken wurde ek yn de races folge én natuerlik fertelle sy nei de race hoe’t it gie.

​In ûnderdiel fan de Kings Battle is de Omrop Fryslân caravanrace, wêrby’t de dielnimmers besykje om as langst mei de (hiele) caravan op it parkoers te riden. De winner nimt de Omrop-bokaal mei nei hûs en de bêste trije winne in barbecue.

Mear ynformaasje is te finen op Omropfryslan.nl/racing en Fac-autocross.nl.

(advertinsje)

Rûchhouwers, dat binne it!

Yn Fryslân lûke autocross-eveneminten alle simmers in soad leafhawwers. Yn de dokumintêre Rûchhouwers besjocht Omrop Fryslân de sport fan tichteby. Wêrom is autocross sa populêr en watfoar minsken crosse der eins?

Mear ynformaasje oer de dokumintêre is te finen op Ruchhouwers.nl en op Facebook.com/Ruchhouwers.

Wa wurdt de 'king of dirt'?

Midwykse wedstriden komme net in soad foar yn de autocross. Sûnt Willem-Alexander kening fan Nederlân waard is der yn de Fryske autocross in nije tradysje ûntstien: de Kings Battle. Woansdei 26 en tongersdei 27 april 2017 stiet Speedway Blauhûs wer fol mei racefanatisy foar dy spektakulêre wedstriid.

Omrop Fryslân is dêr dit jier foar it earst by. Alle wedstriden binne live fia Omrop Fryslân te folgjen.

(advertinsje)
(advertinsje)