Fryslân DOK

Fryslân DOK
Alle wiken wurdt der in dokumintêre fan Fryslân DOK útstjoerd op NPO 2, sneons om 15:30 oere en sneins om 12.25 oere. Op sneintejûn kinne jo de dokumintêres ek sjen by Omrop Fryslân op alle oeren fan 17.10 oere ôf (nei Hjoed). Nei ôfrin kinne jo it programma ek altyd weromsjen op ús website.

Nijste útstjoering


Fryslân DOK fan 31 jannewaris 2016 17:00

Fryslân DOK fan 31 jannewaris 2016 17:00
Spiler wurdt laden
Fryslân DOK fan 31 jannewaris: De magy fan Ritsko van Vliet

De magy fan Ritsko van Vliet

Ritsko van Vliet (1924 - 2001) winske him in libben op it poadium en yn de skynwerpers, as gûcheler en konferensier. Dat slagge aardich, mar tsjinslach en oare faktoaren wiene bepalend yn syn libben. Soan Ritsko junior, noch mar twa jier âld doe’t mem ferstoar, moast letter mei yn de artystedream fan senior. Se reizgen tegearre troch it lân.

Se reizgen net allinnich foar de shows troch it lân, mar ek om spullen te sammeljen foar Ritsko senior’s histoaryske fariëteekolleksje. En krekt dy samling sil de Ljouwerter artyst bekendheid bringe, want it is in unike dokumintaasje fan it fariëtee yn de jierren 1850 - 1950. De samling fan de âlde van Vliet is yn 1993 oankocht troch it Nederlands Theater Instituut. Ald direkteur en ferdivedaasjesaakkundige Jacques Klöters ûntfangt Ritsko junior hjir tusken de mappen en de doazen.

Yn dizze Fryslân DOK komme ek Karel de Rooij en Peter de Lange oan it wurd. It duo, better bekend as Mini en Maxi, delen harren fyzje oer de keunst en krêft fan it noch altyd libjende fariëtee.

Ritsko junior stiet yn jannewaris op de planken. Hy spilet himsels yn de foarstelling ‘’In de naam van de vader’’, fan selskip BUOG. Dat stik biedt him de kâns de relaasje mei syn heit en syn erfenis te ûndersykjen. Mear ynformaasje oer de foarstelling is te finen op: www.buog.nl.

Fryslân DOK: De magy fan Ritsko van Vliet
Snein 31 jannewaris om 17.00 oere en dêrnei fan 18.10 oere ôf alle oeren op Omrop Fryslân Telefyzje. Ek te sjen op sneon 30 jannewaris om 15.25 oere en snein 31 jannewaris om 13.00 oere op NPO 2.

top