Tsjûgen socht fan berôving

11 jan 2012 - 10:43

In frou (48) út Sint Jabik is moandeitejûn yn Stiens berôve. Se rûn jûns om 7 oere yn de Gysbert Japicxstrjitte doe't har tas fan it skouder lutsen waard. De dieder is in slanke man yn donkere klean. Hy draafde fuort mei de tas. Krekt dêrfoar wie it slachtoffer in oare frou tsjinkommen. De plysje wol graach yn kontakt komme mei dizze frou. Ek oare minsken dy't mooglik wat sjoen hawwe wurde frege dat te melden.

Diel dit berjocht op:
(advertinsje)
(advertinsje)