Gruttere skippen yn PM-kanaal

01 feb 2012 - 16:50

It Prinses Margrietkanaal is mei yngong fan 1 febrewaris tagonklik foar skippen mei in djipgong fan 3 meter 50. De provinsje hat it kanaal tusken De Lemmer en Strobos djipper meitsje litten om it frachtferfier oer it wetter mear romte te jaan. Troch de gruttere djipgong kinne skippen tenei mear fracht ferfiere.

It trajekt tusken Strobos en Delfsyl is noch net klear, mar ek yn Grinslân wurdt hurd wurke om de kanalen dêr fierder út te djipjen.

Yn de twadde fase fan de 'upgrading' fan de farwei De Lemmer-Delfsyl sille yn Fryslân oant it jier 2025 seis brêgen ferfongen wurde. It giet om de brêgen fan Burgum, Skûlenboarch, Koatstertille, Twellingea, Aldskou en Spannenburch.

Diel dit berjocht op:
(advertinsje)
(advertinsje)