Goud foar Antoinette de Jong

29 jan 2012 - 14:47

Reedrydster Antoinette de Jong hat sneon by de wrâldbeker junioaren yn Collalbo it goud pakt op de 1000 meter. It talint (16) út Rottum wûn yn 1.19.97. Der wie mear Frysk sukses. Letitia de Jong út Feanwâlden pakte mei 1.20.15 it sulver. Reina Anema fan De Gordyk einige op it fiifde plak (1.21.99). Moniek Klijnstra út Sint Jânsgea klokte in tiid fan 1.22.97 en waard dêrmei achtste.

Earder al kamen de froulju fan it Nederlânsk junioareteam sneon yn aksje op de 500 meter. Dêr gong it goud nei de Eastenrykse Vanessa Bittner. Letitia de Jong waard knap twadde. Antoinette de Jong einige op it fjirde plak, flak foar Klijnstra. Anema waard njoggende.

Diel dit berjocht op:
(advertinsje)
(advertinsje)