Gjin promoasje by Snitser LSC

08 jun 2014 - 16:07
  • Fuotbal

De fuotballers fan twaddeklasser LSC út Snits binne der net yn slagge te promovearjen nei de earste klasse. Op eigen fjild wûnen de Snitsers mei 4-2 fan Rolder Boys. Dat wie lykwols te min om it 5-1 ferlies fan ferline wike goed te meitsjen. Tim Postema sette LSC betiid op foarsprong, mar net lang dêrnei foel de lykmakker. Nei in healoere makke Floris Bok de 2-1, wêrnei't fuort ek wer de 2-2 op it boerd stie. De Snitsers namen foar it skoft op 'e nij de lieding. Nei rêst soarge Theo Idema foar de 4-2 en moast Rolder Boys mei 10 man fierder.

LSC wist hjir net fan te profitearjen. De ploech spilet dêrtroch takom jier op 'e nij yn de twadde klasse.

Diel dit berjocht op:
(advertinsje)
(advertinsje)