Ald-steatssiktaris Gerrit Ybema is woansdei ferstoarn. Hy wie al in skoft slim siik. Ybema wie tusken 1998 en 2002 steatssiktaris fan ekonomyske saken yn it twadde kabinet Kok. Hy wie fan de oprjochting ôf lid fan D66 en kaam yn 1986 foar dy partij yn de gemeenteried fan Ljouwert.
Ybema makke de oerstap nei de lanlike polityk yn 1989, doe't er yn de Twadde Keamer kaam. Krap tsien jier letter waard er lid fan it twadde Pearse Kabinet, as steatssiktaris fan ekonomyske saken.
Ybema hie ûnder oare bûtenlânske hannel en ynternasjonale ekonomyske betrekkingen yn syn portefûlje. It kabinet-Kok foel yn 2002 oer de kwestje Srebrenica. It betsjutte ek de ein fan Ybema syn politike karriêre. Hy rjochte dêrnei syn eigen ekonomysk advysburo op en hie tal fan njonkenfunksjes. Sa siet er yn ferskate bestjoersorganen, lykas de ried fan tafersjoch fan soarchgroep Noorderbreedte en de ried fan kommissarissen fan NUON. By Omrop Fryslân presentearre er in skoft in ekonomysk programma. Ein 2009 waard by Ybema kanker ûntdutsen. Gerrit Ybema is 66 jier wurden.
|
Brân by Lankhorst yn Snits
17 mei 2012 - 12:50 |
|
Frou omkaam by brân Kollum
17 mei 2012 - 10:24 |
|
Blomkemerk Ljouwert los
17 mei 2012 - 09:07 |
|
Nei 16 jier wer in nij skip
16 mei 2012 - 20:44 |
|
Skûtsjes los yn Lemster Baai
17 mei 2012 - 16:20 |
Wat fine jo derfan?
antwurdapparaat: 058 7009 777
Of fol hjir it formulier yn.
