Follybalfroulju fan Snits ferspylje winst yn bekerfinale

22 feb 2015 - 17:57
  • Teloarstelling by de follybalsters fan Snits

De follybalsters fan Snits slaggen der snein net yn om foar de twadde kear op rige de follybalbeker te pakken. Yn de finale waard mei 3-2 ferlern fan Sliedrecht Sport. Yn Zwolle pakten de Snitser froulju de earste set mei 25-22. Ek de twadde set waard mei 25-20 in proai foar Snits.

Yn in spannende tredde set gong de winst nei in kurieus beslút fan de arbiter mei 27-29 nei Sliedrecht. Ek de fjirde set wie foar Sliedrecht (20-25). Yn de beslissende fyfde set luts Sliedrecht mei 14-16 oan it langste ein en naam dêrmei de beker oer fan Snits.

Diel dit berjocht op:
(advertinsje)
(advertinsje)