Fjoertoerwachter Skier bliuwt

13 des 2011 - 22:15
  • De fjoertoer fan Skiermûntseach

De fjoertuorren fan Skylge en Skiermûntseach bliuwe 24 oeren deis beminske. De Twadde Keamer hat dat tisdei besletten nei in moasje fan PvdA-Keamerlid Lutz Jacobi. Fral op Skiermûntseach wie der ûngerêstens oer fral de nachtlike besetting fan de fjoertoer op it eilân.

Rykswettersteat soe de bewaking dan mooglik oan in radar oerlitte. Earder dit jier luts steatssiktaris Joop Atsma de stekker út it plan om de fjoertoerwachters te ferfangen troch in seeferkearssintrale op Skylge, omdat de kamerabewaking net oan de easken foldwaan koe en de kosten út de hân rûnen. De Twadde Keamer hat no útsprutsen dat op beide fjoertuorren wachters oan it wurk bliuwe moatte.

Diel dit berjocht op:
(advertinsje)
(advertinsje)