Earste kompetysjewinst LDODK

14 okt 2012 - 16:17
  • k.v. LDODK

De kuorballers fan LDODK ha yn Wageningen de earste oerwinning fan it seizoen pakt. Yn in wiere thriller pakte de ploech fan trainer Jan Sjoerd Pool in 18-17 oerwinning. Beide ploegen holden inoar de hiele wedstriid yn lykwicht. It spektakel siet him yn 'e sturt fan de striid.

Mei noch 5 minuten op 'e klok stie der in tuskenstân fan 17-16 op it boerd yn it foardiel fan LDODK. Fan de strafworpstip miste de thúsploech de lykmakker, mar yn deselfde oanfal wie it wol raak: 17-17. Yn de slotminút makke LDODK úteinlik de winnende treffer.

Winst wie der ek foar Mid-Fryslân dat yn Wormer mei 19-15 te sterk wie foar Groen Geel.

Diel dit berjocht op:
(advertinsje)
(advertinsje)