Aris wint yn thriller fan Rotterdam

19 des 2015 - 22:48
  • De spilers fan Aris nei de oerwinning op Rotterdam.

Aris Ljouwert hat in tige belangrike oerwinning behelle op de basketballers fan Rotterdam. Yn in 'thriller' fan in wedstriid wûn de ploech fan trainer Michael Schuurs mei 83-81. De belangrykste skutter oan de kant fan de Ljouwerters wie Josiah Heat mei 18 punten. By it skoft stie Aris mei 35-30 foar, mar nei in minne perioade yn it tredde kwart stie it 55-66 foar de Rotterdammers. Yn de einfaze luts Aris de oerwinning oer de streek troch mei noch in sekonde op it boerd de 83-81 te meitsjen.

Troch de winst hat Aris no 10 punten út 12 wedstriden, twa punten mear as tsjinstanner Rotterdam wêrtroch't de Ljouwerters op it fiifde plakje yn de kompetysje stean.

Diel dit berjocht op:
(advertinsje)
(advertinsje)