Al tige ier bewenning by Arkum

24 jan 2012 - 16:13

By Arkum ûnder Tsjerkwert is in bysûndere argeologyske fynst dien. Ut opgravings docht bliken dat 2000 jier lyn op dat plak al minsken wennen. Dy bewenners fan eartiids moasten al striid mei it wetter leverje en leinen dêrom in terp oan. It ûndersyk wurdt dien om't op dat plak in lisboksstâl komme moat.

De argeologen binne optein oer wat se oant no ta tsjinkaam binne. Letter moat dúdlik wurde oft yn meunsters dy't naam binne bygelyks sied en pôlen sitte.

Yn de tredde ieu nei Kristus binne de bewenners hjir wer wei tein, om pas ieuwen letter werom te kommen. Takom sneon is der foar elk dy't mear witte wol in iependei yn de saneamde proefsleuf.

Diel dit berjocht op:
(advertinsje)
(advertinsje)