De rayonhaden komme sneintejûn byinoar yn 'e kantine fan boubedriuw Van der Werf yn Sint Nyk. Sjoernalisten fan Omrop Fryslân, it ANP en de NOS steane yntusken foar de doar fan it bedriuw te wachtsjen op de komst fan de 22 rayonhaden.
Eigener Van der Werf fan it boubedriuw is bestjoerslid fan it alvestêdebestjoer. De rayonhaden komme yn de kantine fan it boubedriuw byelkoar foar in ynventarisearjende gearkomste, wêrby't de sitewaasje fan it iis op de rûte besprutsen wurdt.
Ut in earste rûntsje dat de redaksje fan Omrop Fryslân by in tal rayonhaden makke hat, docht yntusken bliken dat in Alvestêdetocht noch fier fuort is. Yn trochsneed is der 15 sintimeter nedich wylst der op guon plakken noch mar 4 sintimeter leit. It bestjoer fan de ferieniging de Friesche Alvestêden jout moandeitemoarn om healwei tsienen in parsekonferinsje oer de útkomsten fan de gearkomste. Dizze parsekonferinsje wurdt live útstjoerd op Omrop Fryslân Radio en Televyzje.
|
Brân by Lankhorst yn Snits
17 mei 2012 - 12:50 |
|
Frou omkaam by brân Kollum
17 mei 2012 - 10:24 |
|
Blomkemerk Ljouwert los
17 mei 2012 - 09:07 |
|
Nei 16 jier wer in nij skip
16 mei 2012 - 20:44 |
|
Rom baan foar Keninginne
17 mei 2012 - 15:49 |
Wat fine jo derfan?
antwurdapparaat: 058 7009 777
Of fol hjir it formulier yn.
