Follybalsters VC Snits te sterk foar Eurosped
De follybalsters VC Snits hawwe sneontejûn ek de twadde wedstriid fan it seizoen wûn. De ploech fan trainster Petra Groenland wie yn eigen hûs mei 3-0 te sterk foar Eurosped út Vroomshoop. De setstannen wiene 25-23, 25-21 en 25-13.
Snits like de earste set ienfâldich binnen te heljen, mar Eurosped knokte har werom yn de set en kaam oant 24-23. Op it twadde setpunt helle Snits de set binnen. Yn de twadde set naam Snits wer in foarsprong, mar Eurosped kaam opnij werom. Fierder as 25-21 liet Snits it net komme. Eurosped kaam der dêrnei yn de tredde set net mear oan te pas. Snits wûn de tredde set mei 25-13.