Fries spilet belangrike rol in weropbou Sint Maarten

Marinus Pool fan Itens sil in belangryke rol spylje yn de opbou fan Sint Maarten. Foar it eilân, dat slim troffen is troch orkaan Irma, is freed in helpaksje oan de gong. Neidat de needhelp west hat, moat it eilân lykwols ek wer opboud wurde. De organisaasje dêrfan leit yn de hannen fan it ministearje fan Folkshúsfesting en Marinus Pool sil dit ministearje assistearje by de planning.