Helptsjinsten sykje nei mooglike drinkeling yn Drachten
Yn Drachten oan de Groene Zoom is sneintemiddei socht nei in mooglik fermiste persoan. Neffens omstanners soe dêr ien it wetter yn fytst wêze. Plysje en brânwacht fûnen al gau in fyts, mar in persoan is net fûn.
Der is socht mei dûkers en ek de traumahelikopter wie oanwêzich. Om goed healwei fjouweren is de syktocht ophâlden. De plysje hat de fyts meinommen nei it buro.