FIDEO: Mei topsnelheid skiep skeare

Sa'n 1.100 Fryske skiep wurde dizze dagen ûnder hannen naam troch in groep minsken út Nij-Seelân. De skiep sitte noch yn de winterfacht en om dy der ôf te heljen, hat it bedriuw de Wylde Weide besletten om de Nij-Seelanners yn te hieren. Se dogge dit al in pear jier mei de simpele reden dat se o sa rap binne. Se kinne sa'n 60 skiep yn it oere skeare, dus is it foar de Wylde Weide oantreklik om se yn te hieren.