Froulju SC Hearrenfean ferlieze kansleas fan Achilles '29
De froulju fan SC Hearrenfean ha freedtejûn kansleas ferlern yn de útwedstriid tsjin Achilles '29. Yn de 17e minút kaam de ploech út Groesbeek al op 1-0 foarsprong en de earste helte waard ôfsletten mei 2-0. Ek nei rêst hie Hearrenfean neat yn te bringen. Fia doelpunten fan Bross, Cobussen en Hopmans waard it úteinlik 5-0 foar de thúsploech.
Nettsjinsteande it ferlies stiet SC Hearrenfean yn it klassemint mei in sechsde plak noch wol ien plakje boppe Achilles '29.