"Stâl of greide, it is de ko allikefolle"

It makket foar de ko net út oft er no yn de stâl stiet, of dêrneist. Dat seit Janita ten Berge fan boerebelange-organisaasje LTO Noard. De Twadde Keamer praat nije wike fierder oer in foarstel fan trije linkse partijen om boeren simmerdeis te ferplichtsjen de kij yn de greide te hâlden. Der stean hieltyd minder kij yn de greide, sizze se, en dat wolle se oars.
Foar de kij, foar de boeren en foar it miljeu is it better dat de kij bûtendoar stean, seit Twadde Keamerlid Rik Grashof fan GrienLinks. Hy hat it foarstel yntsjinne.
"We hebben ons te lang en te veel gericht op schaalvergroting, alsof koeien puur economische goederen zijn. Het is tijd om het dierenwelzijn en het milieu weer voorop te stellen", seit Grashof.
De polityk is bot ferdield. Twadde Keamerlid Jaco Geurts fan it CDA fynt dat de polityk him der net mei bemuoie moat. "De discussie of de koe beter af is in de wei of in de stal zou niet plaats moeten vinden in de politiek, maar overgelaten worden aan de boeren zelf die het beste weten wat goed is voor hun dieren."
Boerebelange-organisaasje LTO Noard is der poer op tsjin dat boeren ferplichte wurde om de kij simmers yn it lân te hâlden. It moat de frije kar fan de ûndernimmer bliuwe, seit Ten Berge. "We doen een koe niet naar buiten om het buitenspelen. Dat doen we omdat ze daar eten kunnen vinden. Als dat niet lukt, bijvoorbeeld omdat het lang heeft geregend, en de weilanden modderig zijn, moet je ze binnen kunnen houden. Het is niet om de koe te plagen dat we hem in de stal houden. Soms vraag ik me af of in Den Haag de emotie niet te veel regeert."