Harkemase Boys tsjin DVS '33 einiget yn 1-1 lyk spul

28 jannewaris 2017, 18:03 • 1 minút lêstiid

Jesse Renken fan Harkemase Boys makket de 1-1 © awfoto.nl

Harkemase Boys koe it sneon krekt mei in 1-1 lyk spul rêde yn Ermelo tsjin DVS '33. Yn it begjin barde der net safolle. Pas yn de 34e minút kaam keeper Jansema foar it earst serieus yn aksje troch in hurde frije traap fan DVS te kearen. De Boys krigen sels ek wol kânsen, mar koenen net skoare. De rêststân wie dan ek 0-0.

Yn de twadde helte kaam DVS mei in oanfalsrige en stiene de Boys swier ûnder druk. Yn de 68e minút makke DVS dan ek de 1-0. Mar Jesse Renken koe yn de 81e minút dochs noch de lykmakker meitsje. Dat wie ek de einstân.