Súdwest-Fryslân wol ozb ferleegje
Eigeners en brûkers fan bedriuwen yn Súdwest-Fryslân betelje takom jier minder ûnreplikesaakbelesting (ozb). Alteast, as it oan it kolleezje fan de gemeente leit. Neffens wethâlder Maarten Offringa is dit goed foar it ûndernimmersklimaat.
De ôfrûne jierren ha bedriuwen te krijen hân mei hegere belestingen. De bedoeling is dat de lêsten foar takom jier mei 8 persint nei ûnderen gean. It foarstel wurdt heal desimber bepraat yn de gemeenteried.
