Auto baarnt út op A7 by It Hearrenfean
In auto is sneontejûn útbaarnd op de A7 by It Hearrenfean. Troch ûnbekende oarsaak ûntstie der brân ûnder de motorkape. Der rekke nimmen ferwûne. In meiwurker fan de ANWB hat de ynsittenden opfongen yn ôfwachting fan de helptsjinsten.
De brânwacht fan It Hearrenfean hat it fjoer útmakke. Foar de feiligens fan de helpers waard in stik fan de dyk tydlik ôfsletten. Dêrtroch moast it ferkear rekken hâlde mei fertragingen.
