Kuorballers LDODK slute seizoen ôf mei winst yn Amsterdam

29 maaie 2016, 16:21 • 1 minút lêstiid

LDODK © Omrop Fryslân

LDODK hat de lêste wedstriid fan it seizoen wûn fan AW/DTV. Nei in rêststân fan 16-16 pakte de ploech fan coach Erik Wolsink yn 'e slotsekonden de folle winst yn Amsterdam troch in treffer fan topskoarder André Zwart: 25-26.

Troch dat resultaat einigen de Gordyksters op it tredde plak yn de eareklasse A. Dat is ien plak te leech foar de play-offs om de lânstitel. Dy striid giet tusken Fortuna, Blau Wyt, PKC en TOP.